[87] (ก) ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโย ตโต อวิชฺชานุสเยน สานุสโยติ? นตฺถิฯ

(ข) ยโต วา ปน อวิชฺชานุสเยน สานุสโย ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโยติ?

รูปธาตุยา อรูปธาตุยา ตโต อวิชฺชานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโย, โน จ ตโต กามราคานุสเยน จ ปฏิฆานุสเยน จ สานุสโยฯ กามธาตุยา ทฺวีสุ เวทนาสุ ตโต อวิชฺชานุสเยน จ กามราคานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย, โน จ ตโต ปฏิฆานุสเยน จ ภวราคานุสเยน จ สานุสโยฯ ทุกฺขาย เวทนาย ตโต อวิชฺชานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย, โน จ ตโต กามราคานุสเยน จ มานานุสเยน จ ภวราคานุสเยน จ สานุสโยฯ (ฉกฺกมูลกํ)

(ค) อนุโลมปุคฺคโลกาสา

[88] (ก) โย ยโต กามราคานุสเยน สานุสโย โส ตโต ปฏิฆานุสเยน สานุสโยติ? โนฯ

(ข) โย วา ปน ยโต ปฏิฆานุสเยน สานุสโย โส ตโต กามราคานุสเยน สานุสโยติ? โนฯ

(ก) โย ยโต กามราคานุสเยน สานุสโย โส ตโต มานานุสเยน สานุสโยติ? อามนฺตาฯ

(ข) โย วา ปน ยโต มานานุสเยน สานุสโย โส ตโต กามราคานุสเยน สานุสโยติ?

อนาคามี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต มานานุสเยน สานุสโย, โน จ โส ตโต กามราคานุสเยน สานุสโยฯ ตโย ปุคฺคลา รูปธาตุยา อรูปธาตุยา เต ตโต มานานุสเยน สานุสยา, โน จ เต ตโต กามราคานุสเยน สานุสยาฯ เตว ปุคฺคลา กามธาตุยา ทฺวีสุ เวทนาสุ เต ตโต มานานุสเยน จ สานุสยา กามราคานุสเยน จ สานุสยาฯ